بمشــــــي بــــــــــــراي

قصيدة : ( بمشــــــي بــــــــــــراي )
شعر : محمــــــــد الخـــــير حامـــــــد
تصميم : المبدع أبو رهف الغـــــــالي
=================
بمشي براي..
و أشق درب الصعاب المُــر
و أقاسي أساي
أنادي بأعلى صوت فيني
الفرح يرجع ، يهز صمت الليالي نِداي
و ما بتفتر خيول وعدي
و تشيل همي اللقيتك ما بتشيلي معاي
ولا بتعب من المشوار قدر ما يطول
و أقول يا ناس بعيد و كفاي
أنا الخليت وراي الكون حلم زاهر
و شِلتِك في معاني غُناي
أنا البِعْت الحزن و الهم عشان حبك
و جيتك يا أماني هواي
خلاص سِبتِك ودرب الرجعة لي قلبك
ده درباً ما بتسلكو خُطاي
خلاص ريدتنا أنسيها
و هوانا الكان ..
و زمني الفات معاك و الجاي
خلاص أنسيني يا ناسية
خلاص أنسيني بمشي براي

المرفقات

يا ســـــــــــــــــــــــــــــــــــــــــــــلام كـــــــــــلام جمــــــــــــــــيل جداً