غدر الزمـــــــــــــــــــــــــــــــــــــــــــن

الزمن غدار وقاسي
ومافي زول من جورو بسلم
قبالنا كم فرق حبايب
وكم صغيراً ليه يتم
وكم شموع للحب طفاها
وشال ضياها وليها عتم
حتى غصن الريد معاها
الكان في ايدنا دليل ومعلم
جفت ازهارو الندية
سابنا في الأوجاع بنألم
فينا جرح الفرقة نازف
مين بيقدر غيرك انت
في مصير قلبينا يحكم
بينا كان جدول مشاعر
فينا ساميات الخواطر وربي يعلم
كلما نتلاقى نحن
لينا تتشابا الإماني
تسبق الافراح تسلم
ياما شلتك في عيوني
وكان مناي البينا ينتم
نزهو في حلو الاماني
الكنا بيها معاك بنحلم
كم كتير ضحيت عشانك
وكم لقيتو هواك علقم
فجأه اتغير مصيرنا
ما اظننا تاني نتلم
رغم جورك قلبي من اجلك بحبك
ليك بيغفر مهما تظلم
سيبني في نيران عذابي واكتئابي
حلمي بكرة تاني ليا الحظ يبسم .

رووووووووووووووووووووعة